Аудиожүйеге 4,6 миллион доллар жұмсалды. Әнқұмарлар қуанатын болды.

Cool Dog кроссоверіне арналған аудиожүйені әзірлеуге 4,6 миллион доллар жұмсалды. Haval мұндай опцияның болуы жастар аудиториясына қаншалықты маңызды екенін біледі, ал жаңа кроссовер соларға бағытталған.

Haval-дың өнім-менеджері Чжан Тецзюньнің айтуынша, «жастарға арналған кроссовер тұжырымдамасын әзірлеу барысында компания көптеген зерттеулер жүргізді. Алынған деректерге сүйенсек, өз көлігінде отырып музыка тыңдау жас тұтынушылардың төрт негізгі қажеттіліктерінің біріне айналған. Олардың пікірінше, көлік салонындағы атмосфераны құруда музыканың атқаратын рөлі зор. Сондықтан Cool Dog көлігін тек жастарға арналған «музыкалық көлік» етіп жасау туралы шешім қабылданды».

Әзірлеушілер Cool Dog дизайны мен толық жетекті жүйесін Dargo үлгісінен мұраға алса да, ол өз аудиториясын тарта алады деп санайды, өйткені автокөліктердің әрқайсысы мақсатты сегменттерге арналған.

Cool Dog көлігіндегі басты инновациялық жаңалық – 4D sound-burning cockpit.

Бұл инновацияға мыналар кіреді: эксклюзивті интерфейс пен JVC ұсынған 18 динамик; салонды хош иістендіру мен ырғақты атмосфералық жарықтандыру; ал оның алдыңғы орындықтары алғаш рет Қытайда жасалған автокөлікке орнатылған ырғақты ұстап тұруға арналған функциямен жабдықталды.

Әрбір автокөлік иесі өз атмосферасын қалыптастыра алады.

— Осы жоба бойынша 200-ден астам адамнан құралған халықаралық топ 12 ай бойы еңбек етті. Дыбыстың мінсіз болуын қамтамасыз ету үшін, жергілікті мамандар бастапқы әзірлеуден кейін және 3 ай бойы «ішкі» баптаудан кейін, кроссовердің сынақтама үлгісін ұшақпен Еуропаға жіберді. Ол жақта да жұмыс жалғастырылды. Дыбыс жүйесі қосымша сынақтан, баптаудан және мұқият жетілдіруден өтті. Бұл жағдайда мәселе дыбысты ретке келтірумен ғана шектелген жоқ. Әр динамиктің саны, орны және бағыты мұқият ойластырылып орнатылды. Cool Dog-тың соңғы жабдықталуына 4 жоғары жиілікті твиттер, екі «орта жиілікті», бір орталық және 4 төмен жиілікті динамик, сабвуфер, екі төбелік және екі артқы көлемді дыбысталатын динамик, сондай-ақ бассүйегішке арналған екі динамик кірді. Жалпы алғанда көлемді дыбыс өрісінің толық ауқымын жасау үшін 18 динамик орнатылды, — деді Чжан Тецзюнь.